【铁探】张宝儿为袁伟豪零表情演技辨护：连佢自己都不自觉挑剔咗

早前袁伟豪在BigBig Channel开Live与观众讲剧情、谈及拍摄时的各种辛酸，历时一个多小时的Live中，还尽诉心中情，回应了网民对张宝儿的误解，力撑女友。袁伟豪明天即将前往哥伦比亚拍摄新一辑《打工挨世界》，而缺席今日的《铁探》宣传活动，女朋友张宝儿亦替他解释，是因为防疫针引起不适才决定留在家中。对于袁伟豪早前开Live（详：【铁探】开Live回应木讷负评 袁伟豪认压力爆灯：控制唔到自己！），张宝儿接受《香港01》访问说：“因为呢个剧集一出嘅时候，好多都Focus喺度，而且大家演员都非常有经验，可以当大家都好欣赏呢个作品嘅时候，都会不自觉挑剔咗，连佢自己都系。”

张宝儿在访问中也为男友袁伟豪辨护：“佢个角色系去到后面先会有发挥，可能大家都觉得佢系做得偏向自然少少。我觉得，因为咁样，所以去到后面（剧情发展）嘅时候，对我或者身边成个Crew嚟讲更加震撼。”对于网民指摘“张宝儿在袁伟豪背后搞是搞非”的言论，除了袁伟豪有在Live中为女友澄清外，张宝儿也在访问中应有关言论。“你话我搞是搞非我真系唔识答你。我唔系好理佢生活选择上面做啲乜嘢，亦都相信佢系一个成年人，佢会做佢自己嘅选择，我都会好专重。其实，佢嘅率直系有原因嘅，佢唔系一个冇礼貌嘅人，对身边嘅人都好好，即使系陌生人都好礼让，而且会为他人著想。”

【铁探】开Live明撑女友张宝儿冇搞是非 袁伟豪：佢令我更加率直

问到张宝儿，会否提醒男友袁伟豪“收歛”一些，又或者如坊间所说：戴返个“伪人”面具，她回答说：“我相信佢会不断学习，不过佢本身性格唔系好会有第二个脸孔畀人睇，所以有时候会直接咗。”