【开心速递】黎彼得爆刘丹登台系天文数字　丹爷：冇人敢揾我

《爱．回家之开心速递》中，“根叔”刘丹、“大龙生”罗乐林、“豹叔”黎彼得和“谭道德”陈荣峻组成最强男团“大四喜”Rap歌一段，相信大家都甚为惊喜。昨日（4月14日）活动中，虽然大会就笑说以“佢哋出Show唱Live好贵”为由，出席的刘丹、黎彼得和陈荣峻就未能在台上即席演出，令大家缘悭一面。不过，现场亦由其他剧中演员补上Rap歌，亦非常有气氛。

刘丹、黎彼得和陈荣峻3位接受《香港01》访问时，丹爷说：“唔好话系第一次拍剧要Rap，我仲系第一次接触呢啲嘢。咩叫Rap。（问人先知）哦，中文叫快板、数白榄，咁我知啦，不过原来唔系好似，哈哈哈。”陈荣峻说：“我就真系第一次，我平时唱歌都唔掂，我数极拍子都撞板。老婆话：‘唔啱吖，你撞咗板！’我话：‘平时做戏都系撞板㗎啦。’”黎彼得：“我就主要唱粤曲，其实都系数白榄。都系诗嚟，五言、七言咁，其实攞嚟Rap真系冇得顶。而家嘅Hip-Hop就比较通俗啲，冇以前咁文雅，但系出嚟感觉完全唔一样，都系包装唔同。”

他们更表示，两天才合悉拍剧要Rap歌以及收到，歌词。黎彼得：“我哋TVB啲人工作比较繁忙。”丹爷说：“都系𠮶句，煮到埋嚟咪食啰，胆一大呢，就乜嘢都做到。”陈荣峻补充说：“TVB，有乜系做唔到㗎？”会否以“大四喜”组合登台揾银？黎彼得：“哗，咁犀利？（你哋得嘅）唔得㗎，佢哋畀唔起钱㗎，你知唔知刘丹登台一次几钱吖？天文数字吖。”记者闻言，即问丹爷登台收费多少，丹爷笑说：“你唔好听佢哋乱讲吖，等阵吓惊人，冇人敢揾我。”