【艾粒演唱会】获粉丝手幅海撑场落泪　Donald被爆靠塞鞋垫增高

艾粒（I Love You Boyz）昨晚（7/4）完成一连两场红馆演唱会，一众圈中好友包括容祖儿、TWINS、张继聪、谢安琪、陈滢、徐濠萦、汤怡等均齐齐捧场，而BOYZ、C AllStar和Supper Moment则担任嘉宾，力撑艾粒首次红馆演出。粉丝亦特别准备印有《柚子》歌词“为你我会爱到九十岁”的手牌，当艾粒献唱《柚子》时，全场观众举起手牌，令艾粒两子感动落泪。

艾粒完骚后接受《香港01》访问，少爷占坦言事前全不知情：“以前睇韩国骚，一坐低，咦，点解有手幅（放在椅子上）嘅？fans话你唱到某首歌就举起啦，自己真系感受到（事前）完全唔知𠮶阵，（见到手幅海）会觉得好感动。”Donald则自爆彩排时已经落泪，当时希望自己两场演出都不要哭，不过当献唱《柚子》时，导演着两人对望，令他回想起不少画面，因而感触落泪：“我好耐无正面望佢，我记起好多画面，我记得喺铜锣湾楼上舖写歌词嘅日子，当时写到十一、二点无车（返屋企），仲要赶小巴，我觉得呢17年转变好得意。”

另外，演唱会发生一段搞笑小插曲，少爷占忽然发现Donald“长高”了不少，当场踢爆Donald偷偷塞增高鞋垫：“佢偷偷地喺我哋换衫个位着咗增高鞋垫，我当时觉得有啲怪，同平时有啲唔同，我谂唔到，心谂唔系爆阴毒下话，（鞋垫）买高咗少少，如果高过我就好怪。”Donald则笑言：“下次一齐着啰，下次BOYZ同我一齐做骚，佢哋高过我哋好多。”

艾粒和BOYZ台上扬言明年会一同登上红馆开骚，而Donald亦透露的确有构思与BOYZ举行演唱会，又曾向唱片公司分享这个想法，从对方的笑容反映两个男子组合有机会合作，少爷占就表示：“睇下大家嘅反应，高层们、有势力人士、老板们、fans们嘅反应，睇下可唔可以做到台上开出嚟嘅小小承诺。”