想同阿女一齐打机　陈柏宇不担心沉迷：控制得好细路仔都可以打！

陈柏宇（Jason）今日出席电子游戏宣传活动，更与粉丝互动直播打机，看他操作游戏手制技巧纯熟，立即明白他也是热爱打机之人。

问到Jason会否视打机为一种减压途径，他思考了一会才笑说：“可以话系都可以话唔系，因为打机有时都要追赶进度，打极都打唔过反而压力仲会大咗！”其实这也与Jason所喜爱的游戏类型有关：“我自己就钟意打啲RPG类型嘅游戏（即角色扮演类游戏），除咗要打怪升Lv，仲要推进剧情，如果打唔过就会有啲气馁。”

Jason如此热爱打机，私下可有一个“中佬打机团”？对此Jason反而表示：“咁又冇㖞，其实同我打开机𠮶啲都系后生仔，个个都系得20几岁，真系冇乜人同我差唔多年纪。”虽然心态年轻是好事，但是老婆会不会因为Jason沉迷打机而不高兴？Jason则回应：“都唔会，因为我唔系一年四季揸住机打，我打机有一个周期，真系遇到想玩嘅game先会买来打，而一只game通常玩一个月已经顶尽玩晒，所以即使沉迷都只系一段时间，𠮶段时间可能真系会成个人沉迷咗入去日打夜打，但其实我觉得有样野可以令你去沉醉其中都系一件好事。”

对于父母应否让小朋友打机一问，Jason就大方回应：“都有谂过以后会同阿女一齐打机，可以拣啲适合亲子玩嘅多人游戏，就唔会话唔俾小朋友掂打机呢样嘢，其实所有嘢沉迷都唔好㗎啦，我相信只要控制得好，细路仔系绝对可以打机嘅。”

最后谈到工作上的近况，Jason表示：“我而家准备紧新嘅专辑，同埋都制作紧新嘅歌，对上讲起出新歌都已经系圣诞嘅事，所以都希望快啲出到新歌俾大家听，但演唱会就暂时未有计划住。”