陈柏宇带团去旅行　自觉开始似中佬：娱乐都变咗凑小朋友

陈柏宇今日（12日）出席首届KKBOX香港风云榜活动，自弹自唱《无限大》：“开心！有机会俾我去做平时唔会做嘅嘢仲好，因为我不嬲都唔系一个自弹自唱嘅歌手，学结他都系为咗写歌，喺个Show里面可以做一啲有趣啲嘅嘢就尝试下，迫我练吓。虽然做得有啲差、甩甩漏漏，但几好吖，迫自己做啲Out of comfort zone嘅嘢。”

陈柏宇有女万事足，三句不离女儿：“生咗女之后发觉自己写多咗歌，虽则都系得两三首。”又说囡囡为自己提供灵感：“有时我会同佢一齐哼，哼哼下我又觉得好似几Catchy ，好钟意个Through，记到就记。”女儿果然是爸爸的前世情人：“我好沉迷个女，啱啱出世嘅时候都未去到超级沉迷个地步，越来越沉迷。而家开始多交流，成日都好多嘢讲，我会feel到佢心情，佢一眼瞓我就知！”

说到接下来将会带团去中佬旅行团，陈柏宇觉得自己已踏入中佬阶段：“唔系个年纪系中佬，而系个状态，当你生咗小朋友之后，当你所有娱乐都变咗系凑小朋友，生活好规律嘅时候，我觉得开始似中佬。”问到有什么期待，陈柏宇回应：“我开心玩㗎咋，我好钟意同佢哋去做下啲唔同嘅嘢，好似之前又做下瑜珈，又做下Gym，我都觉得几好玩。”