林峰女友张馨月拍戏超专业　床战露股意识好大胆

林峰女友张馨月曾经喺内地做过模特儿，又得过2010年全国时尚内衣模特大赛亚军，身材高挑嘅佢影过唔少火辣性感照片。之不过，原来照片都系小儿科，因为近日有网友翻出张馨月3年前所拍摄嘅电影《借脸》，戏中张馨月饰演样靓身材正嘅大明星，对刚入行、样貌平平无奇嘅师妹特别照顾，原来一切都系为咗得到对方！

戏中，张馨月为咗激起师妹嘅妒忌心，特地色惑师妹嘅心仪对象上床（而呢一幕当然系要让师妹见到啦），之后又同师妹讲男人都系靠唔住，“你知道我是爱你的，只要你愿意，所有失去的一切都会回来”，就系师妹想逃走一瞬间，张馨月将对方落倒床上，并用黑丝绑起双手……镜头一转，床上活动已完毕，而师妹为了报复，决心整容，但唔明点解要喺手术前，同张馨月全裸泡浴。全戏剧情真系狗血到不得了，但胜在有大量嘅张馨月喷血打扮，唔系DeepV睡裙，就系连衫都唔著，最激一幕，连petpet都任睇唔嬲，题材同意识相当大胆，唔知林峰有无睇过呢套《借脸》呢？！