【多图】疑似林峰新欢被起底　车模张馨月身材惹火SHOW脐环

撰文： 洪晓璇
出版：更新：
5年以来林峰吴千语爱得投入，估唔到未能走到最后，图左为疑似新欢张馨月。（资料图片）＿

曾经讲过“好爱好爱好爱好爱好爱好爱好爱”千语BB嘅林峰，拍拖以来多次结伴外游，期间多次传出婚讯，估唔到等唔到七年之痒，峰语5年情就宣告玩完。虽然两位当事人都未有直接回应分手传闻，不过双方都被影到疑似有新欢。继有传千语恋上前政协施子清长孙施伯雄，林峰亦被影到同一名长发少女同游主题乐园，网友马上大起底，原来呢名女子叫张馨月，系一名内地车模！

白色三点式真系好虾人著，张馨月身材咁好自然carry得起。（张馨月微博）
+3

林峰吴千语五年情疑有第三者　一日内传完“分”讯再传“婚”讯

峰语孖住去睇骚，呢个画面以后应该无咩机会再见。（资料图片）

林峰同千语2012年拍摄电影《男人如衣服》擦出爱火花，到2013年林峰公开承认恋情，高呼“七爱”千语BB。5年过去恋情疑似因为聚少离多而变淡，最近仲传出几个月前已经分手。3日前有网友爆料，见到林峰同父母，以及一名貌似吴千语嘅长腿索女同游主题乐园，记者上前访问时即相当避忌分头上车离开。不过神通广大嘅网友们凭住索女手上嘅手机壳就揾出呢位女士应该就系内地车模张馨月。

被影到同林峰同游主题乐园后，张馨月被迅速起底，同千语的确有几分相似。（张馨月IG）
就系凭住呢个手机壳，令网友揾到张馨月。（张馨月IG）

传吴千语另结富三代新欢上海蜜会　为保新恋情决心同林峰斩缆

张馨月似乎相当喜欢香港，曾经多次上载喺香港影嘅相。（张馨月IG）

睇返车模网站中嘅资料，张馨月现年28岁高173CM，住喺上海曾经参加过2010年全国时尚内衣模特大赛得到亚军，去年11月出席广州车展担任模特儿。睇返新欢旧爱各项特点，林峰睇嚟对呢类女仔特别有兴趣：同为Model，千语同张馨月都系面尖尖眼大大身形高䠷，连英文名发音都几乎一样，千语叫Karena，张馨月叫Carina，唔通呢个名对林峰嚟讲有特别意义？

车模网站上有大量张馨月资料及相片。（网上截图）

林峰闻分手传闻不欲多言　跟吴千语仲有联络：不如你哋问吓佢啦

共通点有好多，不过最有分别嘅应该系身材啦，千语出名系纸板人非常廋削，张馨月身材就惹火得多，毫不吝啬大show美好Body，几乎张张全身照都骚长腿，不时有低胸便服/晚装照，穿咗靓靓脐环都特别骚纤腰俾大家睇，出游著三点式亦当然要放上网呃Like！2月份张馨月已经人在香港，多次上载靓相到IG，又去赤柱又食街头小食，唔知林峰除咗陪去主题公园，有无尽地主之谊担任导游呢？

脐环咁靓又可以顺便show出小蛮腰，呢张相真系不得了。（张馨月IG）
+13