【晚吹】拆解青山医院　精神科护士：剧集成日出现嘅白房系不存在

青山医院到底系一个点嘅地方呢？ViuTV节目《晚吹─又要威又要戴头盔》最新一集就揾嚟喺精神病科工作嘅护士，同大家深入探讨呢个大家成日讲但又未必好了解嘅地方。

喺香港，负责收容精神患者嘅除青山医院外，其实仲有葵涌医院。护士小雄表示，要入青山其实唔系咁易，“传媒较为关注”患者，如因精神病杀人，就会被安排到全港唯一提供法医精神科服务嘅青山医院，再由有关人士判断会否有人企图以精神病脱罪。节目中，四位护士都指电影、电视剧令大家有唔少对精神病院嘅谬误，例如系电视剧经常会出现嘅“喺颈部位置打针”情节、全身被绑于铺满软垫嘅白房。其中一名受访护士指出，打针其实系想令病人放松，但极少会打喺颈部，同埋都系有需要时才使用；至于绑手绑脚，受访护士就话随时喺普通医院更为常见。

“绑人系最后手段，之前会用言语说服对方，真系处理唔到call人，通常病人见到有几十人都会收手，又或者我哋会问对方要唔要食镇静剂。”而不时喺电影情节出现喺“白房”，原来称为“啤房”，由于非常占用地方，所以青山系无嘅！“青山有独立病房，里面有张床，每个独立房嘅门下都有个小门，用作每早运送食物用盘，而呢个盘系供病人大小便用。”另外，电影或电视剧不时都会出现喺“电人”情节，原来系精神科常目的手术治疗，可以称为脑电荡治疗。“有啲院友抑郁到连嘢都唔食，经过脑电荡治疗后，会有返动力去食嘢或者冲凉，几十年前系唔用麻醉药，直接生电，但依家就落麻醉药外，仲会播埋音乐。”

之不过，原来当院友有返动力时，都未必系一件好事。“通常患有严重抑郁症嘅人系连自杀倾向都唔会有，但一旦当佢接受治疗后，就会系自杀嘅高危期，要密切关注。”身为精神病科工作嘅护士，其实最主要系照顾院友嘅心社、即系情绪同社交，“明天会更好”、“雨天过后系晴天”呢类看似系鼓励嘅说话，原来系精神医院系禁语。“我哋系要令对方明白自己所讲嘅嘢唔合逻辑，例如曾经有院友话自己系皇帝，咁我会问佢点解无后宫三千，从而令佢谂下自己讲嘅嘢系错，意识到自己有病。”
 

即睇青山医院室内环境 :

提到职场上所遇到嘅事，其中一名护士就透露曾经遇过一名会将所有长条形嘅嘢都放入口嘅病人。“毛巾、床单撕成一条条放入口，但因为消化唔到，佢疴返出嚟又系一条条，于是又系咁放入口。”另外，电影同电视剧成日都会有嘅“人格分裂”，其中一位护士就话多年前曾经遇过。“对方本身系30岁嘅男人，但佢有时会突然变成一个法国小朋友，又有时会变老人家，连行路都系一跛一跛。”