【甄泽权结婚】做兄弟不用早起　阿Bob：今次应该系最舒服！

知名魔术师甄泽权（Louis）今日（9日）与太太李绮嘉（Elffi）举行婚宴。林盛斌（Bob）身为兄弟团的其中一员表示：“我做咗十几年兄弟，无论圈内圈外都做咗好多次，今次应该系最舒服！首先唔洗早起身先，因为一对新人好好，想啲兄弟姊妹休息多啲，11点几先去到现场，平时𠮶啲7点就要到。连姐妹设难关、玩游戏𠮶啲都好Easy，今日做几下掌上压、食下Wasabi饼干、揹一揹陈定欣就ok，系好轻松地完成。”

魔术师甄泽权举行婚宴   爆当初追老婆冇靠过Magic：诚意打动！

说到陈庭欣（Toby）今日也是兄弟团的一员，Bob表示：“好好㗎！女仔做兄弟呢，啲姐妹见到大家同性别，就唔会太为难嘅，过关嘅时候Easy啲，全班仔呢啲姐妹就会狠啲！”又大赞Toby会是好老婆：“有个兄弟条裤脚就长咗啲，佢即刻唔知喺边到拎啲针线出嚟，佢又真系识整，香港小姐真系美貌与智慧并重！”

Louis今日在四季酒店设席近廿围，令Bob回想起曾经跟老婆结婚时只在一家普通的酒楼仅设数席。被问到是否会补偿老婆，Bob回应：“有谂过㗎！结婚十周年嘅时候有谂过搞返坛大嘅，但咁啱𠮶期佢个肚又大住咗，所以辗转之下又冇搞到。可能廿年或者十五年既时候再补祝返，实会有机会补偿到嘅！”