黄宗泽重回儿时成长地　与沙角邨冬菇亭街市档主留影：有缘再聚！

屋邨生活应该系唔少香港人嘅集体回忆，旧式公屋长长嘅走廊，成为小朋友追逐玩乐嘅天地，邻里间守望相助，一切都随住活化社区、收购清拆等工程，只能成为回忆。观塘裕民坊不敌时代巨轮正在清场，而沙田围沙角邨亦正式进行翻新工程，喺呢条邨长大嘅黄宗泽亦趁最后机会重游旧地，同一班老街坊影相留念，不胜唏嘘。

唔少香港艺人都喺屋邨长大，Bosco黄宗泽得知儿时住处嘅冬菇亭熟食档以及街市准备关闭翻新，特意于拍摄空档重返沙田围沙角邨，上载多张照片并留言话：“沙角邨，我从小长大的地方，现在也会常去买𩠌的街市，时代变迁终于曲终人散，十分不舍，万分可惜，谢谢各位多年嘅照顾！各位老友记...有缘再聚！”