【守护神之保险调查】妈咪过年必整萝卜糕　黄宗泽：佢唔整冇家用

黄宗泽（Bosco)今日（28/1）带伤出席在葵涌仁济医院郭玉章夫人护理安老院举行的举行的《守护神之保险调查》盆菜宴。早前因拍摄《飞虎》时意外断脚，谈到最新情况Bosco就话：“依家一得闲就会去做物理治疗，你知新年又休息啦，物理治愈师好忙㗎，我真系发觉咗原来做物理治疗好难㗎，因为啲物理治疗师仲忙过我呀，依家反而系佢畀期我，平时系我畀期人哋，试过有人取消咗booking，打畀我问我嚟唔嚟到呀，嚟唔到就算，哗！佢哋都几劲呀，总之我哋就入错行啦！早知做物理治疗师啦，哈哈！”

农历新年将至，Bosco就话会同屋企人食团年饭，还透露有一种贺年食品必定要妈咪煮的，就是萝卜糕：“年年都系例排，如果佢唔整萝卜糕，就唔畀家用㗎，佢要亲手整㗎，唔系你估呢个年咁易过呀，哈哈！”其实整萝卜糕都好辛苦？Bosco笑说：“佢攞足成年家用㖞，都系辛苦佢一镬啫，唔系唔使做呀，唔做唔畀家用㗎，我同佢讲明㗎，哈哈！”