【专访】入行10年终开红馆骚　许廷铿：那怕只有一场佢都系属于我

许廷铿2010年因参选《巨声》而首次踏上红馆舞台，他至今仍记得当时陈洁灵的一席话：“你要再上呢个台系好难。”10年过去，许廷铿今年三月将在红馆举行首个演唱会，并以“再见智慧齿”为名，结果有网友预计许廷铿接下来的演唱会应该会是“再见门牙”、“再见乳齿”甚至系“再见牙齿”。“个名系林海峰谂嘅，好似有啲搞笑但又系大家最认识我嘅第二本行。开心系可以引起讨论，自己亦因为呢个二次创作做咗啲宣传，揾甩咗门牙嘅小朋友影海报，成件事令我对演唱会有更深感受。”为了追po，许廷铿特地注册成连登讨论区会员，可惜的是他发现“许廷铿”一名已被其他网友使用。“原来入面好多唔同嘅讨论，从中亦揾到好多得意或者系有意义嘅嘢。”

演唱会将以四面台形式进行，许廷铿说那种被追随多年的乐迷包围感觉会很亢奋，至于歌单方面，去年因为school tour令他有机会知道乐迷的意见／意向，所以他有信心不会令大家失望。“每次出碟都希望将自己当下嘅心态放入去，虽然我填词唔叻，但咪当写日记咁，所以每次都会好似好日记咁，见到唔同阶段嘅心态，今次开骚可以将一连串嘅心境好自然咁表现出嚟，但又唔会太明显，希望大家可以细味故事嘅铺排。”再见智慧齿意的英文是goodbye kids，许廷铿希望大家可以透露这个演唱会，无论是否早已告别童年，但也可期待人生的下一章节。

去年一波又一波的宣传，令许廷铿最印象深刻是与乐迷一齐坐巴士由将军奥出发到他第一次开骚的九展，终点是红馆，沿途他除了唱歌之外，亦会听听众人的意见。“其中一个系细细个已经听我啲歌，但中暗放弃咗，因为佢唔系好明我做咩，点解佢会报名参加活动，系因为佢感受到我对音乐嘅热诚，那怕如佢所讲我曾经系hea做或者系出现疲态，被佢讲中咗之后，我当时系好崩溃、好惭愧，之后仲喊晒，当下会发现原来我系好需要呢种释放。”

讲到喊，许廷铿前年凭《神奇之旅》在叱咤颁奖礼上夺得十大歌曲奖第二位，由台上喊到庆功宴，今年首套“叱咤乐坛男歌手”，没有眼泪但有长气，四分钟的感言大概是感受太多吧。“上年系好唔容易，尤其系连古天乐都出埋嚟唱歌，所以𠮶晚本身都系谂住enjoy the show，虽然网上不时都会有啲得奖名单，但永远都会有出入，同埋现场环境因素都有影响，当中有好多情绪夹杂，要好坦率咁表达出嚟系好难。”早已有铜奖在手，如今银奖亦已得到，接下来的目标明显不过吧？，但许廷铿认为光靠努力并非就可以。“最希望系拎𠮶阵，大家都觉得实至名归，今年行上台时听到好多掌声同欢呼声系好实在。如果你问我想要我最喜爱男歌手定金奖，而家一定系金奖，因为近年学识咗什么是团队，呢个奖系对我、公司、工作团队嘅认可，当中包含了好多宣传策略，亦有好多商业上嘅考量先会令件事实至名归。”

hair：Derek Li@Xenter

Make Up：Khaki Yan

【周五心意运动】您捐一封$50利是，已可为基层送上温饱，01心意呼吁您支持【香港青年协会】 ，每$50即可制作5碗爱心汤和心意礼物：https://heart.hk01.com/zh/project/10095