许廷铿出道十年被粉丝搞到哭笑不得　Fans：真系因为你靓仔㗎咋！

许廷铿（Alfred）日前接受香港开电视节目主持马梓轩邀请，趁农历新年重返中学母校圣若瑟书院。爱锡师弟的Alfred，更不忘在黑板留下寄语，祝愿师弟学业进步。

回忆读书时期的农历年，有一件事令Alfred很难忘：“我记得有一年，我同一班同学一齐去睇咗场贺岁杯，𠮶度逗嘅利是都几丰盛，因为见到好多Uncle，逗咗几千蚊，学生嚟讲好夸张㗎啦！”

过年期间，Alfred例必品尝贺年美食，其中炸虾丸更令他回味无穷：“我姑妈整出嚟嘅系每年一样味，我年年起码食几十粒，系我由细到大嘅童年回忆！讲到流口水添，哈哈！为食嘅底子出咗嚟啦！”

踏入猪年，亦是Alfred出道十年的大日子。近来收到一些歌迷的说话，更令Alfred哭笑不得：“有啲人话一开始留意你，真系因为你靓仔㗎咋！但之后听你唱Live又几好㖞！”Alfred坦言听到这些说话，便知道原来这十年所做的东西，都不是白费。

正积极筹备三月份首个红馆个唱的Alfred，希望届时可以答谢歌迷一直以来的支持：“对于我嚟讲，呢个Show系第一次我同歌迷真正约定嘅开始，往后我地嘅第二次，都希望可以原班人马，再喺红馆相约！”