许廷铿现身铜锣湾同巨型广告牌自拍　“成就自恋界嘅翘楚！”

行行下街见到自己钟意明星嘅广告，有时会情不自禁影低甚至同块广告牌自拍。人来人往眼望望嘅情况下，其实举机都需要一定勇气，更何况系艺人同自己嘅广告自拍﹗许廷铿呢日就去到铜锣湾闹市，同自己嘅演唱会巨型广告牌合照放上网，仲话自己：“突破尴尬界嘅盲肠﹗”

许廷铿出道近十年，初出道时嘅牙医身份成为个人标记，今年终于首度举行红馆个人演唱会，亦顺势以《再见智慧齿》为题，仲设计一系列关于牙齿嘅宣传，网友都大赞有心思。

连日来Alfred喺社交网站宣传个唱，呢日佢去到铜锣湾亲身同巨型广告版疯狂自拍，虽然有无限途人眼望望的确好尴尬，但经过十年努力第一次去到呢个位置，Alfred都决定豁出去影完再算：“突破尴尬界嘅盲肠，抛开文青界嘅批判，无视大妈界嘅冲击，成就自恋界嘅翘楚﹗阿妈我得咗喇﹗你今日影咗未啊？唔敢影、怕丑咩黎㗎？食得㗎？”