【渣打马拉松2019】胡诺言跑前早餐食三碗饭　林颖彤首次挑战10km

胡诺言（胡仔） 与林颖彤（Bella）将会出战于星期日举行的渣打马拉松，胡仔已参加了渣马两、三年，比较有经验，今年继续跑全马。问到准备成怎样，他说：“8成啦，因为只左脚有少少劳损，筋膜发炎，而家康复紧。啱啱喺日本旅行完返嚟，陪啲小朋友去玩，但系我都唔敢玩到心散晒。希望可以喺4个钟之内完成赛事，成绩同上年差唔多已经足够。”至于跑10km的Bella早前就开始了街跑的练习：“街跑我跑7、8km，当日目标系1个钟头15分钟左右可以跑完10km。”

胡仔表示其实志在参与，如果能够跑出好成绩就是bonus：“想畀人知道做艺人都可以抽时间出嚟挑战自己。”他又分享经验提醒大家在比赛前一定要食早餐：“起跑前要食一个好嘅早餐，我自己两、三日前就会帮身体储定糖份，上年跑𠮶朝食咗三碗白饭，有充足嘅糖份可以避免跑嘅时候抽筋，但都唔可以食得太饱。”Bella谓她试过食得太饱跑会肚痛。两人跑前的一晚都会尽量早睡，虽然太早会睡不着，但“瞓到几多得几多”。

另外，提到今年情人节会怎样庆祝，和太太结婚多年兼育有3个小朋友的胡仔坦言：“我同太太都唔太注重呢个节日，我份人又唔太浪漫，同埋觉得唔一定要特定𠮶日庆祝，结咗婚特别系有咗小朋友之后，唔会追求咩浪漫嘅感觉，反而系一家人健健康康，开开心心咁食餐饭更加重要。”

【周五心意运动】您捐一封$50利是，已可为基层送上温饱，01心意呼吁您支持【食德好】，每$50可为12个家庭提供一餐回收蔬果及食物：https://heart.hk01.com/zh/project/10003