【特技人．专访】胡诺言晒肌获激赞 忆曾为角色增肥：好有挫败感
TVB新剧《特技人》出街后，虽然精彩的特技场面欠奉令唔少剧迷失望，但剧中演员的演技的确令剧集加分不少。其中在剧中饰演关楚耀童年好友兼傅嘉莉经理人的胡诺言，“裸跑”一幕更是令人印象深刻。
现年41岁的胡仔，近年热爱运动，更是明星跑步团“Crazy Runner”的成员之一。胡仔虽然年纪稍长，但身形明显比关楚耀更Fit，胸肌加上六旧腹肌相当抢镜。但胡仔就强调自己的身形并非“大只”：“我的身形唔叫大只啦，算系比较钢条型，系我玩马拉松而获得的成果。其实我同阿关𠮶场戏，我觉得佢都好Fit，因为佢喺饮食方面都控制得好好，虽然佢出来的效果比较瘦，但我觉得足够。始终佢的角色系导演，导演唔需要追求身形。所以，我同佢𠮶场戏，出嚟效果大家都好满意，无必要比较。”
见到胡仔身形咁Fit，大家何曾想起胡仔在2006年曾与在剧集《肥田囍事》中为了扮演肥仔角色，令本来130多磅的他在短时间内急增40磅。忆起当年增肥，胡仔称比起锻练六旧腹肌更加困难，他称：“增肥的过程中，当你增唔到嘅时候真系好有挫败感，好有压力，结果要透过朋友介绍饮营养奶，先可以喺两个月内由130磅增至170磅，其实仲未够，因为170磅未算得上系一个肥佬，起码要200磅先达标，但我嘅身形根本肥唔到，所以系一个好大考验。当中都好有挫败感，但最后都完成咗。而今次接到呢个工作，好彩自己有跑步，但跑步有另一个问题就是会消耗肌肉，难度系呢度，所以跑步同时都要健身，互相平衡。”
首次饰演经理人的胡仔亦为这个角色花了不少功夫。胡仔在剧中相当“醒目”，多次为旗下艺人化解危机，胡仔称现实中的自己属于比较独立的艺人，所以并未向自己的经理人取经，反而以圈中两位“金牌经理人”黄柏高与霍汶希为蓝本：“我初初入行就被经理人带得多，但呢几年甚至乎10年，已经训练到自己照顾自己。我哋TVB经理人亦都无咁多时间可以好周全咁照顾我哋，而我都觉得唔需要，自己做到咪自己做啰，所以都无用返自己经理人嘅写照。我反而有留意娱乐圈的经理人，譬如我第一时间就会谂起Paco同Mani，佢哋一眼关七，处事亦好圆滑，做任何嘢EQ都好高，所以我会用呢几个Point去演绎。”
【特技人．专访】沈卓盈洗脱“大台花瓶”：出几多努力有几多成绩
【特技人‧专访】罗浩铭八年时间由特技人变指导 思考动作最重要
至于近年唔少艺人自组公司兼任埋经理人，但胡仔就自觉自己并不适合。他表示：“无。未有咁嘅能力，我好享受做演员同主持，好享受以演员的身份去做一份工作。（你觉得做艺人同经理人边个角色比较辛苦？）其实我觉得两者都有轻松同难的地方。轻松的地方，演员的话最紧张系幕前做好自己，唔好做一啲难堪的事要经理人揹锅。主要系喺工作上，以艺人的身份尽全力去做，做完之后得到欢呼声你咪会好轻松。而经理人轻松嘅位就系佢睇到自己旗下嘅艺人由无人识到有人职，含辛茹苦凑大佢，有好多难堪的说话都自己顶晒，自己艺人有一日能够发光及亮，就会觉得自己眼光无错，放下心头大石。”虽然如此，但胡仔身为人父始终觉得照顾儿女比起任何工作都来得辛苦。
Hair : Sue@k11haircorner
Makeup : phoebeyung
Shoe : joy&mario
Venue: 星影汇