【开心速递】家中女佣是“杀花胜手”　滕丽名：唔淋水又死淋又死

滕丽名今日（26/1）现身黄大仙举行的《爱·回家之开心速递》“邻舍团年饭”活动贺新春。提到农历新年将至，滕丽名便指“断舍离”时间又到：“我会大清洁，因为成日都要开工，屋企累积咗太多嘢，所以一定要大扫除，我计过唔着嘅衫都有几大袋，我会拎去捐咗佢又环保。”

过年前阿滕都会为家居添置鲜花摆设，但令阿滕大为头痛是家有位“杀花胜手”：“我唔知点解屋企个姐姐（女佣），可以将啲花淋死㗎，唔淋又死淋又死，总之系咪都死，所以我会同姐姐讲唔好掂啲花，可以保佢命，多多一个星期左右，所以我一去旅行就保佢唔到啦，所以我祝愿佢可以等到我返嚟啦！”