【新春开运王】薛家燕话长辈教姓薜不摆桃花　“只系摆牡丹剑兰”

由薛家燕、黄致豪及汤洛雯主持的无线新春贺年节目《新春开运王》今日（25/1）在湾仔举行记者会，更请得堪舆学家麦玲玲与李丞责，即场为嘉宾歌手苏永康指点猪年开运贴士。农历年将到，家燕姐表示：“过年会买啲花同埋对吉摆喺屋企，开心啲朋友知道我好忙，已经送定啲花畀我，但我阿爷话我知，我哋姓薛嘅系唔可以放桃花，我唔明白点解，咁所以只系摆啲牡丹及剑兰，咁所以我会系商场见到有桃花，就会兜个圈行下，攞好意头。”

日前一名临时演员怀疑收工后猝死街头，唤醒社会关注临时演员工时是否过长？家燕姐深表同情说：“听到系难过嘅，我哋做演员真系冇办法，有时要做成24个小时，我𠮶阵时出返嚟拍《真情》嘅时候，话自己系超级豪华团，因为早出晚归，一早带住个大‘喼’就出去到夜晚或天光至返。”

临记为帮电视台工作，时薪是最低工资$34.5，会唔会觉得偏低？家燕姐无奈说：“其实呢样嘢每个人都想加人工，唔好讲话系演艺界，行行业都想加人工，要睇佢嘅演出啦，同埋睇佢嘅能力，人工方面梗系想行行都加人工，呢啲都系大家开心嘅事嚟，系咪因为经济令到公司条数，系咪计得掂先加呢，呢个我真系唔清楚，希望来年经济好啲，人工方面又加啲啰。”