【锋味】谢霆锋意大利扮食神　连拍档都顶唔顺：同佢食饭好大压力

Chef LeMon嘅《锋味》唔经唔觉已经去到第四季，与此同时，《锋味全球美食地图》第二季亦都开播，Chef LeMon喺《锋味全球美食地图》中，会去到各国嘅隐世餐厅寻找最正宗美食，就好似上一季Chef LeMon去过嘅几间北京老店，都已经成为美食指南。

而新一季，Chef LeMon去完俄罗斯觅食之后，转战意大利米兰，当Chef LeMon去到中一间以食海鲜为主嘅餐厅，见到生蚝天妇罗时，即时皱晒眉咁话：“炸的东西最害怕湿气，厨师竟然在生蚝里面加了水分最多的生菜，也是笨笨的。”之后轮到八爪鱼出场，食咗一啖，Chef LeMon嘅评价系：“海鲜 是不应该有海鲜的味道。”咁海解应该有咩味呢？Chef LeMon并无详细咁解释，而同行嘅好友兼锋味创办人Derek，就似乎已经见怪不怪，仲话：“跟他食饭是很大压力的。”
 

食完无海鲜味嘅八爪鱼，Chef LeMon对于要等差不多40分钟先食到第二道菜（多宝鱼）似乎有少少不满，再食埋条鱼，佢连嘢都唔想讲，直情用翻白眼表示，似乎好失望咁。离开餐厅之后，Chef LeMon以“海鲜是新鲜的，但调味偏闷”去评价呢间海鲜餐厅。