【锋味】谢霆锋被问婚姻状况劲尴尬　工作人员听完答案系咁笑

向来都对感情事十分低调嘅谢霆锋，喺最新一集《锋味》，同宋茜一齐去到捷克一个婆婆嘅屋企进行美食交流，呢位婆婆当年因为爱上捷克男，于是由北京嫁到当地并顺势移居，霆锋同宋茜为婆婆下厨煮出家乡味，令婆婆十分满意。席间婆婆突然问霆锋：“你结婚了吗？”佢即时倒抽一口凉气，表示仲未结，婆婆再问多次，霆锋仍然系话未，但身边嘅工作人员就系咁偷笑。

婆婆深信霆锋未婚，就话：“那就好。”霆锋系咁点头表示认同，婆婆随后叮嘱在场嘅所有人，要好好保护自己嘅老婆或者老公，并慨叹到老时只有一个人是孤独的，“只有你们的老伴，才能让你们心里头安静，真的。”霆锋听完婆婆一番话之后，突然有感而发表示︰“她忠告我们一定要珍惜我们身边的人，能够珍惜的时候就珍惜，但是要放的时候，也真的得放。”

到底霆锋口中嘅“珍惜”同“放”可以套用喺边两个人身上呢？都唔需要多讲啦。