【十大中文金曲】张敬轩认颁奖礼有不同口味　撑古仔搞“格林美”

张敬轩昨晚（3日）在香港电台举行的《第41届十大中文金曲 “用心．听”音乐会》中，夺得“最优秀流行男歌手大奖”，亦是他入行以来在《十大》中获得的最大奖项。在早前的颁奖礼上横扫多个奖项成为大赢家的轩仔，2018年对他而言可谓是丰收的一年，他坦言对成绩感到相当满意，但完美主义的他仍觉得有小遗憾：“体重方面唔知点解有啲压力肥，睇返啲相发现唔见咗个jawline（下巴轮廓）！我寻晚磅有71kg，成140几磅，从来未试过，好惊呀，中年发福！”他亦表示希望今年在工作方面能作出变化和新尝试。

【十大中文金曲】张敬轩谢安琪夺“最优秀歌手” 称霸三大颁奖礼

提到香港演艺人协会会长的古天乐有意举办独立音乐颁奖典礼，轩仔称这个构思本来是由曾志伟提出的：“古生上任咗会长之后真系揾我哋开咗几次会去倾点样将构思变成现实呢，但系唔好话做一个大型颁奖典礼喇，只系做一个演出已经好多嘢要筹备，所以唔系三两年内就可以达成嘅事，但我哋已经开始做紧资料搜集同support。”

是否现时的颁奖典礼取向太偏颇才会有这个构思？轩仔只为带给乐迷多一个选择：“有时每个台都会有自己评选嘅口味，你见到有啲artist喺某啲颁奖礼度攞好多奖，可能喺第二个颁奖礼佢未必系𠮶啲DJ嘅心头好，所以当时嘅出发点只系希望有另一个颁奖礼可以囊括多啲唔同界别嘅音乐人，甚至乎系一啲本地、冇大公司支持嘅音乐人，畀佢哋上台攞奖畀人哋知道其实有人去关注佢哋嘅。同埋仲有一啲古典、民族音乐嘅奖项，好似一个格林美奖咁。我觉得都系一件好事，多一个颁奖礼系会令啲Artist更加努力！”