【十大中文金曲】谢安琪预告今年开演唱会：一定唔会撞华哥个期！

谢安琪（Kay）昨晚（3日）于香港电台举辨的《第41届十大中文金曲 “用心．听”音乐会》中夺得“最优秀流行女歌手大奖”，她称是首次得到这个奖项，当然少不了答谢好拍档Juno（麦浚龙）：“今年（2018年）同Juno嘅合作，有几多新尝试嘅，无论喺形象上定系拍摄MV其实都经历好多嘢，有好多嘢都挑战到我自己嘅性格，所以得到大家支持同奖项其实真系好开心好幸福。”

【十大中文金曲】张敬轩谢安琪夺“最优秀歌手” 称霸三大颁奖礼

被问到会否觉得Juno很旺自己，Kay则反问：“会唔会系我旺佢呢，哈哈！我哋嘅合作系几有火花，同埋我哋都建立咗好多默契，无论沟通定系我哋实际上工作过程其实好多时都好顺利，嚟紧2019年我哋都几忙，希望呢个顺利同默契可以愈来愈好！”

Kay今年推出多首炙手可热的作品，问何时计划再入纸红馆开演唱会？“Juno已经同大家讲咗，我2019年有做红馆嘅计划，但都未公布得住，会喺2019年近尾啲嘅部份，但系一定唔会撞倒华哥（刘德华）个期嘅！”