【是咁的，法官阁下】林景程人气急升　网友提议开《布大状外传》

黄智贤、关礼杰和王君馨主演的台庆剧《是咁的，法官阁下》，播出以来口碑不俗。剧中除了有不少改篇真实的案例外，亦把新晋大律师风光背后的辛酸血泪完美呈现。当中饰演布大状（阿趸）的林景程，在剧中热心助人又单纯的他不单被师爷克扣其微薄的律师费，更要住㓥房，但他精湛的演技受到不少好评，更有网友提议开拍《布大状外传》，想必更有睇头！

点撃下图睇布大状被压过程！

林景程接受网友意见　考虑开拍《布大状外传》

对于角色大受欢迎，林景程都表示感谢大家：“多谢晒佢地，其实都证明编审茜姐同监制Andy塑造阿趸塑造得好好。我都有留意一啲网友留言，真系好多谢佢地有留意住阿趸嘅成长，可能阿趸真系太惨，而且我个样唔出声又天生傻傻地咁，所以大家都觉得我特别阴公，总之代阿趸多谢大家。”对于有网友称很想见到阿趸最后成为一名成功的大状，他就笑言：“呢个好难！阿趸唔系一般纯品，剧内唔讲先，我自己觉得现实生活呢啲纯到咁嘅大状，又冇机心，好难生存。”至于会否真的考虑拍《布大状外传》，他就笑言：“有得谂！我都好钟意自己拍嘢，等我收集吓大家希望放啲咩情节入《布大状外传》先。”

三次饰演律师　林景程望演出有突破

林景程入行9年来，不时都会饰演专业人士，单单是律师就饰演过三次，包括：《四个女仔三个BAR》饰演律师“齐安居”一角、《三个女人一个“因》饰演大律师“白保运”和《是咁的，法官阁下》饰演大律师布仲谦。问到演律师经验丰富，是否更容易驾驭角色时，他就称：“其实仲难，因为做几次都系唔同性格嘅大状，想几次都有唔同嘅野，唔想观众睇到阿趸谂起白状或阿居，所以都花左啲功夫去帮自己角色洗左阵‘底气’。例如每次都会谂，以前有冇咁做过呢个表情或者咁讲过对白，如果有就尽可能用其他方法，尽量等佢冇左以前啲味道，反而多咗好多功课准备。”

曾梦想成为律师：好在成绩唔够好做唔到！

林景程亦庆幸自己的演艺路比布大状的律师路易行得多，他笑言：“阿趸惨过我好多，佢冇钱就真系冇人帮，冇第二条路，要不停去揾方法揾钱生活。而我本身都有份物理治疗，返TVB又出住粮咁畀我学演戏，最起码我唔使住㓥房先啦。（咁TVB份粮够唔够生活？）睇你点生活，我帮补到嘅。但如果净系靠TVB份粮，真系要住㓥房㗎！（拍之前系咪冇谂过做律师咁辛酸？）其实我哥哥都系做大状，之前《四个女仔三个bar》问佢意见，都听闻过大状唔系个个都风光，不过冇深入去问，但冇谂到惨成咁。其实细细个都谂住做律师，好在读书成绩唔够好，做唔到！”

自觉演技需磨练　林景程最想挑战喜剧

林景程又自觉拍完今次《是咁的，法官阁下》，觉得自己还有好多方面要磨练，所以暂时的目标是希望有更多的演出机会：“其实好多角色想做，但真心好想再演喜剧，因为好钟意演喜剧。但不过做咩都冇所谓，最紧要有戏做同埋希望大家再睇到我演出时都会睇得开心。”