刘德华卧床期间要靠护士递尿壶：冇得再扮刘德华
撰文： 邝钰莹
出版：更新：
刘德华去年于泰国拍摄广告时堕马受伤，休养大半年后复工，日前佢作客商台节目《云妮钟情》时，谈到意外后对很多事情的看法变得不一样。“人生系咪无常？唔系，系正常，所以有啲嘢要接受同面对。”华仔指以前只系觉得需要注意饮食，但意外后才发现原来生活上的行为都要小心 。
但问到意外后是否变得比较不在乎外间的声音，华仔就马上话唔系：“跌一跌就唔介意？唔会！其实无变过。唔会跌一跌就叻咗，只系明白多一样嘢，会突然有嘢影响你全盘计划，人生所有嘢准备好晒要停。我自己觉得当我卧床3个月，以为可以落地行，原来唔得仲要坐轮椅，坐轮椅又要4个月。”他指由意外到休养接近8个月时间，由于并非时时刻刻都有人在身边照顾，所以卧床期间他已练习用双手由床上落轮椅去厕所。“而喺呢个阶段前，你要接受姑娘递个尿壶畀你，第一日、第二日好尴尬，到第三日觉得佢做嘅嘢，角色一定要清洁，唔系话病嘅时候‘我都要系刘德华’，冇得扮，惟有你话畀佢听我靓仔喺心灵，用第二方面再呃过佢。”
节目中，华仔亦有提及当年演唱会跳落台救歌迷一事，他指事后其实都有少少内疚。“冇谂过互联网世界咁open，自己觉得真性情表达系OK，唔系愤怒，系觉得点解会系咁。其实我之后都讲过，系因为歌迷突破了规举。才令到保安有所动作，搞到我都犯法。”