刘德华认对太太唔够直白：拍戏惯咗生离死别先感动
刘德华早前接受商台节目《云妮钟情》访问，由于华仔同主持人Vani相识28年，再加上二人早前都各自经历一场大手术，故于节目中无所不谈，期间Vani更一时感触落泪。
节目中，华仔除谈及年底举行嘅演唱会以及堕马事件外，亦罕有谈及自己嘅爱情观。“最唔直白系对爱人，屋企我会表达，可能系因为拍戏惯咗可歌可泣嘅爱情故事、生离死别先会感动。”华仔话喺电影经历了太多人生，虽然剧本早已设定角色，但演员亦会赋予角色生命，而当中少不免会有自己的爱情观，他更以自己的经典作《天若有情》解说。“即系话JoJo（吴倩莲）、华Dee我都记得，我哋谈恋爱时经历过，到底系朋友定系爱情呢？爱情我好精忠，但到一个critical moment（关键时刻）朋友需要我，我可能摆低女朋友，现实生活都系咁 ，不过当然唔系去犯法啦。”
华仔指如果有朋友失恋需要佢陪伴时，就算当下佢系同女朋友食饭，佢都会选择朋友。“好似JoJo咁，你自己跪喺度，有乜嘢同佢讲啦，自己偷偷地走咗去。依家男性就系冇做到“偷偷哋”，其实只要畀到台阶女方落台就得架啦。”华仔指自己的爱情虽然未会好似电影咁戏剧化，但态度都系一样的，他认为尊重是最重要的。听到Vani笑言刘德华的女人应该是世上最无安全感的女人时，华仔似乎唔多同意，并说：“点解呀？我问下佢先。”Vani指华仔由古墓密不透风到近年公开自己拥有家庭，过程中是否给予了另一半很大的安全感，华仔认为只系生活上的协调。“从来冇介意过（公开），只系未系时候，另一半可以习惯见到你啫，唔习惯见到佢哋，咪等佢喺一个comfort zone生活啰，我哋太耐啦，所以都清楚。”Vani随后表示“咁你带佢出嚟见我之前，有无问过佢？我净系想话你知我好钟意佢(朱丽倩)”，华仔听完就即时好冧咁讲咗一句“我都系呀”表白得劲高招！
华仔提到以前网络未咁发达时，他与另一半可以很安心行街或出外旅游。“但依家唔得，你想对抗？冇！所以依家做到得几多咪做几多啰，亦冇得介意，但我唔会放，唔会因为被影到就去公开。”华仔又话歌迷基本上都见过晒佢嘅屋企人，有歌迷劝佢豁达一点面对传媒，但佢就话每个人对豁达都有不同的定义，Vani问到华仔可曾同囡囡解释过自己嘅职业，华仔反问Vani︰“点解要同佢讲？”并认为可用生活方式令囡囡适应。