黄建东带妈咪睇三级片　黄妈妈：呢啲湿湿碎

艺人黄建东早前拍摄由李宗瑞案件改编的电影《有罪》，饰演情欲女主角的未婚夫，剧情讲述黄建东发现她拍的情欲片被人放上网，因而跟她大闹一场，“𠮶场戏一嚟就要同未婚妻闹交，去到片场先至初次认识对方，不过大家都好快热身全程投入，闹交闹到自己都眼湿湿。”除了闹交，不知有没有更激的床戏？“其实我觉得作为一个专业演员乜嘢都要尝试，所以如果有情欲戏我都唔介意出演，但可能导演惊出嚟画面太油腻所以冇谂住预我拍呢个部份。”

因为黄建东难得参与电影拍摄，所以特别邀请妈咪一起来看首映，点知电影被列为三级片：“其实睇到啲情欲镜头时，都担心妈咪会睇得好尴尬，点知我妈原来思想仲开放过我，话呢啲小意思啦，佢之前睇过啲欧洲电影尺度仲大，同埋我喺戏里面着住晒衫完全冇嘢睇，所以都唔会好尴尬。不过如果第时真系有得拍情欲戏就未必会邀请妈妈来看，费事佢喺我隔离睇住我我尴尬到流晒大汗。”

除了拍摄电影《有罪》，东东正在拍摄无线新剧《黄金有罪》，刚巧最近热播的《是咁的，法官阁下》，他饰演戏院非礼案被告又被法庭判有罪，所以他笑言觉得自己真系“有罪”：“我最近真系罪孽深重，要做返啲嘢赎罪，不过好开心我𠮶几集大家都有回响俾我，好多谢陈耀全监制一直俾机会我去开拓不同的戏路，让观众认识不同面的黄建东。”