【学是学非】刘颖旋被指同胡㻗车厢密会：只喺车上面倾偈

刘颖旋（Tiffany）近日被拍到与罗天宇细佬胡㻗车上密会被撞破，今天（14日）Tiffany在拍摄完《学事学非》后接受访问表示相当委屈：“真系估唔到，我都系琴晚出咗报道，有人Send畀我先知道，其实𠮶个moment真系我啱啱食完饭讲走，然后佢问我都系返将军澳，真系顺便车我。”

“一个女仔听到呢件事，我而家都唔知点解，而我唔相信，点解呢件事会写到咁样，（点解会耷低咗头？）我未试过咁惊，𠮶个moment真系两个人坐咗喺度倾紧偈，突然有一个人行喺前面，无端端开始闪（记者的相机），佢部cam好光，我好惊，第一反应我唔知佢系咩人，咁我唯有系耷低，但我冇谂过系记者或者咩人....我只系惊，咁就......。”

但在报道上提及到“车震”，Tiffany表示这两个宇今天才知道是什么意思：“咁我依家知道点解，我唔明白点解可以有呢一个标签，虽然我哋两个系喺架车上面倾偈，完全唔明白有呢一个标签。”Tiffany现在心情也受到“车震”两字受到伤害，“作为一个女生听到呢件事，我到依家都唔明原因，我唔相信呢件事写到咁。”

【多图】刘颖旋恋情曝光　传与罗天宇细佬胡㻗挞着车厢蜜会

除了“车震”，Tiffany更被指“头部消失了”，Tiffany解释：“我真系未试过咁惊，𠮶个时候两个人坐系到倾紧偈，突然有一个男人无端端走岀嚟部Cam系咁闪，好光，我好惊，我第一反应唔知佢系乜人，然后我蹲下来，无谂过系记者或者乜人，我只系惊，之后产生咗呢一个画面畀大家影到，我无谂过呢一个动作会令到大家有呢个想法。”Tiffany强调与胡㻗只是好朋友关系，“我觉得大家依家都系新人，其实最重要系工作，嚟紧台庆，都唔谂其他事。”Tiffany最不希望事件影响到家人。