2016 年香港小姐亚军刘颖旋 (Tiffany) 唔止样靓身材正，自小于美国洛杉矶生活的她，仲讲得一口流利的英语，她于日前播出的无线综艺节目《3日2夜》入面，就因为讲英文讲得好听而被网民大赞。Tiffany 在 2015 年升读加州大学河滨分校工商管理系，不过她于 2016 年因为回港参加香港小姐竞选而停学。然而加入了 TVB 做艺人的她并没有放弃学业，在网上继续完成加州大学与亚利桑那州立大学学士课程。近日她又于 IG 宣布会重返大学，将会继续修读学士学位课程。年纪轻轻，现年只有21岁的 Tiffany 可以算系 TVB 最有潜力却被低估嘅女新人嚟。佢早前仲正式开始拍剧，演出今年的台庆剧《兄弟》，实行主持同拍剧双线发展，以佢嘅条件，好有机会成为第二个朱千雪。
Tiffany系参选2016年香港小姐入行，当年佢只得19岁。(ig图片) Tiffany同冯盈盈系同一届港姐，佢系亚军而冯盈盈就系冠军，季军系陈雅思。(资料图片) Tiffany赢得“亚军”、“最上镜小姐”及“现场最受欢迎佳丽奖”共三个奖项。(资料图片) 佢当年都系大热门之一，同届嘅苏韵姿（中），冯盈盈（右二）以及单文柔（右一）亦都加入咗TVB，Tiffany同单文柔仲因为参选而成为咗好朋友。(资料图片) Tiffany 样靓身材正，仲够晒高，身形比例健硕嘅佢读书时仲系篮球校队队员。(资料图片) 喺外国长大嘅Tiffany讲广东话都好流利，就算参选时面对农夫同郑裕玲三位司仪，都可以对答得到。(电视截图) Tiffany加入TVB后主力担任节目主持嘅工作，演出嘅节目包括《安乐蜗》同《学是学非》，最近佢就同江嘉敏演出《3日2夜》。(电视截图) Tiffany性感得嚟，形象都好健康。(电视截图) Tiffany主持嘅《3日2夜》好受欢迎。(IG图片) Tiffany本身好钟意去旅行，不时于IG post靓相，骚下佢对无敌长腿。(ig图片) 佢仲有主持《学是学非》，扮学生look零违和感。(ig图片) 佢素颜都好靓，仲好pure好true呀。(ig图片) 只有21岁嘅Tiffany当然有童真嘅一面啦。(ig图片) 系咪好想俾Tiffany疯狂喂食雪糕呢？(ig图片) Tiffany个晚装look好高贵呀。(ig图片) 佢除咗客串过《溏心风暴3》出现咗一个镜头外，早前仲参与演出台庆剧《兄弟》，可以算系佢第一次正式拍剧。唔知嚟紧会唔会拍多啲剧呢？以佢嘅条件，分分钟有可能成为第二个朱千雪。(ig图片)