【周游东京2】介绍烟花险被删走　周奕玮为一位港妈坚持播出

周奕玮（Jarvis）主持的旅游节目《周游东京2》昨日（5日）首播，首集当然没有令大家失望，节目内容跟上一辑一样是水准之作，相信不少观众已经想预订机票，即刻飞转东京。而最新一集，Jarvis除了推荐三间炸物店外，还加入季节限定猛鬼的士、参加东京夏日激辛美食祭和带大家去放烟花，跟实日本人去避暑。

相比起，猛鬼的士和激辛美食祭，放烟花这个项目的确不算太有“睇头”，Jarvis更透露由于这次拍摄的内容比预期更丰富，幕后团队更曾提出搁置这个项目：“今次拍咗嘅内容比我哋想像中丰富，其实好多都出唔晒。到后期制作嘅时候，发现真系太爆啦，我哋嘅团队曾经有谂过将呢个Item Cut走佢，但我同编审就唔想放弃，真系好想俾呢啲少少资讯畀大家，所以我死都唔想放弃，系咁坚持，劲烦，最后大家都好好，执咗成个周游东京嘅Rundown，而最后令花火可以出到。”

长谷川商店

地址：东京都台东区柳桥2-7-3

而当中令Jarvis一度坚持的原因，原来竟与一个港妈有关：“第一辑完咗，好多人都会用唔同嘅渠道问我关于日本嘅嘢。曾经有一个妈咪想带小朋友去日本东京放烟花，可能大家都觉得喺条街有得买，咪放啰。但系个妈咪就觉得唔想犯规，惊有啲地方唔可以放，唔知边啲地方放得唔放得，咁特登send message 嚟问。我觉得呢件事好好，起码佢有呢个谂法，就系唔想打扰到人同犯规，咁我都揾咗好多资料，又问佢酒店喺边，帮佢揾一个最近嘅地方放。所以，今次做花火嘅时候都好想将呢个资讯带俾观众。”

介绍鲜为人知的地方当然吸引，但有时观众是否需要相信亦是Jarvis做节目时的考虑，难怪他会说：“其实好多嘢都系一个缘份，我觉得呢个节目讲到尾，其实大家都有份去将一块一块拼图，摆落嚟而出现。”Jarvis如此用心去制作节目，大家不妨多多支持。

今集最令Jarvis难忘一定是乘坐猛鬼的士，司机载着Jarvis等人于深夜时分游走东京各个猛鬼地方，历时1.5小时。司机还会用心演绎每一个灵异故事，听到大家心都寒！

三和交通
价钱：每台的士¥8,500/HK$596（全程1.5小时）、¥33,000/HK$2,313（5.5小时）

至于日本最大型辛辣美食祭典“激辛美食祭典2018”，每年都会集结了许多世界各国拥有辛辣美食的名店，喜欢辛辣料理的人一定要去挑战！

激辛グルメ祭り2018(期间限定)

地址：东京都新宿区歌舞伎町2-43

大久保公园特设会场