【跳跃生命线．专访】罗天宇系女神收割机？　“公开都因为认真”

《跳跃生命线》中，除了剧内见习救护主任谭Sir（罗天宇饰）与急症室护士满月（陈滢饰）这对青梅竹马的发展备受关注之外，剧外两人的绯闻更是不绝于耳。讲明是绯闻，其实就说明了一切都是“煲水新闻”。入行10年以内，绝大部份罗天宇相关的报导都是绯闻恋情，对此他亦带点无奈的说道：“唯有做好自己，咁人哋点样睇都冇办法嘅。”

【跳跃生命线．专访】罗天宇入行10年31岁先开始冲：最紧要而家醒

公开恋情是因为认真
“真𠮶啲冇得讲啦，假𠮶啲真系唔希望有。但系有阵时见到都会唔好意思㗎嘛，影响咗人哋。”说起现任“绯闻”女友陈滢与他，他苦笑的说。“好似连累到佢咁，因为我系好多呢啲㗎嘛。（罗天宇想了一下）我连拉姑（郭少芸）都试过传绯闻，哈哈哈。（拉姑唔好咩？）好好！但系佢喺《爱·回家》入面系我嘅拉姑嚟㗎嘛！很多时候，罗天宇真的是“躺著也中枪”。那么到底罗天宇与陈滢是不是发展中呢？罗天宇表示大家只是朋友，会一班朋友一起吃饭行街那种。

说起罗天宇的爱情史，真的“三日三夜都讲唔晒”，公开过的就已经有3位圈内人，没有公开的岂不是更多？“真𠮶啲我真系认真拍拖，唔系玩㗎嘛。公开都系因为认真，想继续行落去先至公开啫。”罗天宇续说：“即系咁啱遇到自己钟意嘅女仔，我又唔系玩完（就算）𠮶啲，我系认真嘅。我觉得主要系我俾人感觉唔够努力，所以俾人感觉就净系拍拖。咁，我会努力啲㗎啦。”到底是罗天宇天真的认为公开恋情就表示认真呢？还是娱乐圈太黑暗，高调的谈恋爱也会被标签为“花花公子”。

罗天宇​是名符其实的“女神收割机”
“人生入面有几多个女朋友吖？等我谂下先。1，2，3...5个啰。（几多个系圈内人？）两个啰。（即系Coffee同靓汤？）哦，唔系，唔...3个。（仲有个系边个？）之前同苟姑娘都拍过。”环顾当今女神之列，罗天宇的前女友名单就占了其中三位（苟芸慧、林芊妤、汤洛雯），真是人生如此夫何求！又难怪网友将他冠以“女神收割机”之名（当然还有宅男公敌、女人汤圆）。罗天宇笑一笑就解释道：“其实我同佢哋一齐嘅时候佢哋仲未系女神。（啲人好葡萄你。）可能系佢哋觉得我唔值得、唔够好。我觉得唯有就系做好自己。”

跟“女神”谈恋爱是不是特别麻烦，所以都只推持了一段短时间？罗天宇解释说：“我系一个比较闷嘅人，所以心思唔系好多。冇乜新意，好钟意留喺屋企唔做嘢。我都试过俾之前嘅（女朋友）话过我唔学嘢，唔增值自己，都有因为呢啲而有拗撬。同埋我氹人好渣。（送花?）好少。（生日呢?）生日买蛋糕啰。”言语之间罗天宇似是为著以前没有氹过女朋友而忏悔。

罗天宇表示自己性格相当顺得人意，退一步说亦可以说是“冇主见”。“成长嚟讲系冇咁好，因为自己冇乜谂法，乜嘢都系屋企人决定，长远唔work啰。（攞个平衡？）就系个平衡好难攞。当你就晒100%，2，3年后当你有一嘢唔就，就濑嘢。”