【再创世纪】袁伟豪急性肠胃炎呕到眼火爆：双眼爆微丝血管

袁伟豪（Ben)今日（6/10）现身出席马鞍山举行的《再创世纪》宣传活动。Ben原本国庆当天要北上工作，在零晨时分因急性肠胃炎入院，并留院观察。Ben透露同朋友聚餐时，食麻辣火锅引致肠胃炎。“其实本身自己肠胃一向都唔系咁好，自己又唔食得辣，食完当晚半夜系咁呕，呕到对双眼微丝血管都爆埋。身体承受好大压，怕自己顶唔顺，张宝儿即刻车我去私家医院睇急症，成个人企都企唔到，要坐轮椅，身体状况非常之差。本身早上要起程返内地，但有见及此身体可能应付唔到，同经理人商量后决定取消行程。”

胡诺言早前与好兄弟袁伟豪、陈山聪，撇甩老婆仔女去滑水，Ben笑话：“其实胡仔运动细胞都好强嘅，如果唔系点会咁多小朋友呀，佢经常都要放电。我都好耐冇玩滑水，问我冇咩好介绍，咁我就𠮶朝早就同佢出咗去玩wake surfing，玩咗几粒钟，佢做嘢咁辛苦，每朝都要车小朋友返学，佢太太好好，唔会唔俾佢去玩吓轻松吓嘅。”