【再创世纪】丁子朗处男拍剧教邓佩仪公式表白：现实中我好直接！

TVB重头剧《再创世纪》播放后反应不俗，日前播出的剧情中终于轮到“小鲜肉”丁子朗出场。丁子朗在剧中饰演机不离手的IT天才阿Q，被周柏豪发掘，并加入其工作室成为旗下员工。首次拍剧的丁子朗就直言拍摄时相当紧张，难免会NG：“拍𠮶阵冇发生虾碌事，最多咪NG啰。咁新人一定NG嘅，但成日同我同场嘅阿Ben、柏豪同Gloria都好好，唔会俾好大压力我，仲好包容我。食饭都会叫埋我一齐食，因为喺深圳拍，剧组啲饭太油，大家都要keep fit，所以我哋会一齐叫啲沙律share嚟食，佢哋真系好好嘅前辈。”

丁子朗在剧中虽然经常挂住打机，但他仍看出Gloria喜欢柏豪，并帮手献计让Gloria用公式表白。丁子朗透露现实中，自己也曾向喜欢的女仔表白：“当然有表白过啦，青春嚟架嘛。但我就唔会做埋呢啲数字符号，都系比较直接。因为直接啲讲，个女仔都会直接say yes or no，咁就最好。（咁成功率大唔大？）你估吓。”

首次拍剧的丁子朗就称比起拍摄综艺节目，拍剧的感觉认真好多：“因为综艺节目系做自己，气氛开心就得。但拍剧要好认真做好个角色，两边都好好玩。其实我都好淘醉演艺世界入面，希望可以拍多啲剧，而综艺就系俾自己悉放能量嘅地方。（嚟紧想做咩角色？）做咩角色都冇所谓。（网民建议你挑战搞笑角色，话唔好浪费你呆底的天赋㖞。）咁我又真系未做过搞笑角色，我估应该好难做，我暂时对自己仲未咁有信心，可能演奸角或者悲剧人物会几好玩。”

丁子朗为人戆直，更被网民力推他做“马国明接班人”。对此，他直言：“我都好钟意马明，好钟意佢嘅演绎方式。佢真人又好nice，所以我都好钟意佢，希望可以同佢合作，俾人话呆都系一件好事嚟。”