林作否认天生花弗　曾忍受女友连环偷食：我永远系最难受嘅一方

林作与同门师妹黄意雅日前为合唱歌《最简单情歌》拍MV，二人除了有感情戏外，林作更为这部处男MV牺牲色相，拍摄淋浴画面。林作更直言：“我冇刻意做Gym，我好讨厌健身同操到好大只。我觉得呢个系现代人嘅误解，真正吸引人应该系内涵同思维，而唔系对波有几大。”

这次新歌内容讲述分手，“花弗”形象深人民心的林作就透露自己亦曾饱受情伤。他称：“嗱，讲明先大家唔好对号入座！𠮶阵我喺英国读书嘅时候，20岁左右，我同过一个大我两年嘅女仔拍拖，一齐咗两年几。当时佢突然提出过分手，但我依然管接管送，想努力箍煲！但有一日，我喺朋友口中得知，原来佢一早已经有第二个。（即系出轨？）系呀，而且唔系第一次，而系分别同唔同嘅男仔一齐，系多次出轨。（出轨对象系香港人定外国人？）咩人都有。（系咪你识嘅人？）佢以为我唔识啰，其实点会唔识。”

失恋次数绝对不少的林作更表示：“其实比起追女仔，我更加似‘失恋专家’。因为过往嘅恋情，我觉得自己先系最难受的一方。所以，我睇过唔少关于分手嘅书，尝试喺科学、生理同心理去治疗自己嘅情伤。我觉得最有效嘅方法，一定要同对方断绝来往，拒绝复合，呢个系唯一走出伤痛的方法。（做唔返朋友？）绝对系。”