痴男送过百万钻戒力追？　傅嘉莉：我比较传统，结婚先会收

傅嘉莉（kelly)今日（14/9）盛装出席“香港珠宝首饰展览会”为珠宝品牌担任模特儿，配戴过千万钻饰华丽登场。“好早之前初初出嚟做嘢，每次我都会储起部份嘅钱，买我第一份礼物钻石耳环俾自己，之后再买钻石颈链，然后再买手链同戒指，依家储到有五件咁多，如果有大型节目我都会佩戴，有时候都会谂番佩戴嘅时候，出席紧咩节目，都会有令一番感受，所以钻石好有纪念价值同故事。”

此外Kelly试过有男仔追嘅时候，送过名贵钻石戒指，虽然心动，但最后都冇接受到。“当其时见到喺好开心，只戒指好靓，但就觉我大家仲喺起初嘅阶段，我本身比较传统，觉得收钻石戒指应该喺求婚又或者结婚嘅时候收，所以当时拒绝咗佢呢只钻石戒指。”

无线剧集《特技人》曲终人散经已播完，傅嘉莉凭“津津”一角成功入屋，俘虏不少视迷，荣登人气女王之首，变成多产艺人。全新一辑无线节目《街坊厨神重出江湖》颗拍小仪、金刚同步亮相。“当我收到通知话去日本做呢个饮食节目，真系好开心，因为我系第一次做饮食节目，试过有次我哋夜晚去行街，行到凌晨两点，发觉成条街都冇哂车，揾咗好耐，先有间店铺嘅职员，帮我哋Call相熟的士送我哋返酒店，虽然拍摄过程紧密，但喺好开心又好玩嘅。”