【特技人】傅嘉莉唔怕被李君妍身材抢镜　“好嘢系要show出嚟”　

傅嘉莉〈Kelly〉、谭俊彦、朱晨丽和李君妍等一众演员为新剧《特技人》造势，剧中傅嘉莉与“同门师妹”李君妍打拳一幕，被身穿低胸Bra Top的李君妍抢去风头，Kelly与李君妍一同受访时，大方表示：“唔会，靓嘅嘢需要show出嚟，我𠮶套衫都好型，有少少露膊。其实君妍本身个角色系需要性感，因为讲佢要上位，好似我角色以前的影子，所以唔会觉得抢镜。”

李君妍亦爆料Kelly拍摄期间不慎受伤：“因为我哋即日学，所以我手肘唔小心撞到Kelly只脚，记得佢嗌得好大声。”Kelly称：“系呀，因为上5吋下5吋系最痛，真系好痛〈瘀晒？〉系呀。我哋好惨，佢识打又要扮唔识，我唔识打又要扮识，呢啲咪演技啰。”她们又透露接著剧集亦有唔少对手，希望大家继续支持。