【特技人．专访】朱晨丽会拣谭俊彦定何广沛？ 答案竟然系......
喺热播剧集《特技人》中饰演May猪的朱晨丽最近接受《香港01》挑战，大玩游戏“终极二选一”。面对艰难的二选一问题，到底朱晨丽如何抉择呢？完整版大家可以睇片，而这里就精挑细选了几题畀大家睇住先。
Q：伴舞VS.替身
朱晨丽：替身！因为一系见到我个样，一系就唔好见到我个样。因为伴舞无人会记得你系边个但你做替身一定有名出，同埋你系做紧英雄或者有一日你替到一个国际巨星，咁就好劲！
Q：跳楼戏VS.跳水戏
朱晨丽：跳楼！因为我唔识游水，跳楼戏仲有人可以救你，点都会有条威也同埋下面有好多榻榻米喺度，但跳水你跳咗落去唔会有人救你，你唯有自己爬上嚟，因为我试过。我觉得好恐怖，因为我唔识游水，好似跳落去就唔会上嚟咁。
Q：关楚耀VS.谭俊彦
朱晨丽：现实生活中定戏里面？两个都系好男人，两个都系第一次拍对手戏同埋两个都好敬业…可唔可以唔拣？咁拣 Shaun，因为喺戏里面同佢一Pair嘅，同埋拣佢唔会有错，佢有晒仔女，一定唔会有错，系好兄弟。
Q：谭俊彦VS.何广沛
朱晨丽：又关佢哋事？两部剧都系同我情侣档，拣阿Shaun因为部剧出。〈唔会何广沛嬲？〉佢嬲咩啫，男人系大方㗎，同埋希望同佢再拍喇，拍《超时空男臣2》。
Q：苏州姑娘VS.翻版法拉
朱晨丽：好Out了！我哋有拍同一部剧《冲上云霄II》，但我哋在机舱都望住大家，也跟所有人讲我哋唔似！法拉妈咪有话过所有人都话你哋似，翻版呀！𠮶阵有影咗一张相，但系n年前嘅事，刚选完的时候。
首次担正做女主角 朱晨丽称拍得最辛苦
其实朱晨丽入行7年，最近先凭新剧《特技人》首次担正做女主角。对于自己第一次担正，朱晨丽当然不敢怠慢，出尽全力拍摄，更懒理身体抱恙，如常外景拍摄，致出现抽筋情况，吓得工作人员即送她入院治疗！新剧《特技人》讲述从事特技人工作的故事，而此动作场面特别多，难怪连朱晨丽都坦言这部剧是她有史以来拍得最辛苦的剧集，她称：“要用好多体力，好彩以前有跳开芭蕾舞都算一项运动，因为好多时在台上两个多小时要不断跳，不可以停。而拍《特技人》就好似长跑一样，好多武打动作，真系想自己做返。当你自己做得到的时候，就好有成功感，更加想做多啲。”
剧中动作场面 朱晨丽尽量亲自上阵
虽然朱晨丽是女儿身，但面对剧中大量的动作场面，朱晨丽亦不敢假手于人，“我记得好多场戏，武师特意加了不少动作，比较难度高的。因为他们觉得我得嘅，可以做到，所以就加了很多很美的动作给我。虽然要拍好多TAKE，因为要追求完美，但完成后很有满足感。希望出到嚟，哪怕是一刹拿，自己都会很开心，我想这就是特技人的心态，所以他们做了很多高难度的动作，就算没有面口，但依然很喜欢挑战。拍完这部剧，我也喜欢了挑战。”
难忘剧中爆破场口 赞团队够热血
朱晨丽亦大赞剧中演员相当热血，她称：“好多场口都很难忘，其实每一次同人对拍、爆炸、被火烧或者跳楼，虽然仲有好多高难度动作未试过但场场戏都好难忘，拍嘅时候都好辛苦，连男仔都觉得辛苦，女仔更加惊，仲入过医院。但我们的精神是越怕越兴奋，到最后一日大家都好唔舍得，因为大家都拍得好投入，好热血。”