【港姐2018】2号庄嘉慧全身生风癞：个样好似俾水热水烫伤
撰文： 黄欣华
出版：更新：
《2018香港小姐竞选》20位候选佳丽今日（15日）去到铜锣湾出席活动。2号庄嘉慧参选以嚟，接连发现意外，先是跌伤左膝需缝针，又在打针后又出现皮肤敏感搞到全身生满风疹。今日着上大会安排嘅T恤短裤，庄嘉慧明显风癞未好，除了手脚浮现淡红色嘅疹外，连颈部都唔例外。
【港姐2018】陈苑澄潮玩Kiki Challenge疑犯法 今日露面点拆弹？
讲起初初发生自己皮肤出现状况，庄嘉慧都坦言吓餐饱：“我𠮶阵时嘅情况，你哋系想像唔到几恐怖。一开始系一点点，睇完医生夜晚就发咗出嚟，好夸张，系成个样好似畀水热水烫伤，而且块面好严重。但医生话好小事，叫我唔咁担心，其实只要唔系永久性，时间可以恢复到，我都觉得OK。”
虽然风癞未愈，但庄嘉慧就唔担心病情会影响比赛，她坦言：“唔惊，因为我一个礼拜已经好好多，所以我相信决赛嘅时候我已经好返晒，所以我完全唔担心会影响比赛。而且我依家精神同身体状态都OK，所以唔会再缺席，会全力以赴比赛，我亦相信到决赛当晚我会100%好返晒。”