最考验颜值的男士发型 碧咸、余文乐个个都剪
撰文： 冼燕珊
出版：更新：
其实男士贪靓起上嚟，真系一啲都唔输畀女仔，前几个月先话兴返“郭富城头”，今个夏季，大家又纷纷剪起“寸头”！寸头是两边铲青，头顶留大约一寸头发，可gel可不gel，有种反璞归真的味道。不过呢个发型真系唔系个个都剪得，甚至可以话系其中一个“最考验颜值的发型”，如果剪咗呢个头依然靓仔，就系真‧靓仔，睇下以下“寸头代表”！
大卫碧咸（David Beckham）
讲到发型，点可以唔提“咸爷”，佢几乎咩发型都试过：金毛、中间分界、七分油头、All Back头，连刘德华都有一期试过跟风，今次咸爷唔玩咁多花臣，剪返个夏日寸头，份外清爽利落，望落仲减龄添！五官深邃精致嘅咸爷Carry呢个头Carry得好好！
+3
基斯坦奴朗拿度（Cristiano Ronaldo）
C朗同咸爷都系好注重形象的足球员，C朗平时上场都会gel返个型仔头，即使用完倒挂金勾，都可以hold 住个发型，不过剪呢个头就无呢个烦恼，C朗剪完呢个头都仲好靓仔！
+2
余文乐
其实余文乐(乐仔)同C朗嘅面型都几似，面型偏方。乐仔嘅发型一向偏短，但近期愈剪愈短，由All Back 头到依家嘅寸头，一来唔知系咪因为同时兼顾凑囡同健身，太忙的关系，剪呢个真系好方便。
+1
陈冠希
同乐仔一样，刚为人父嘅陈冠希(Edison) 都剪咗个寸头，真系好方便凑囡，不过Edison偏瘦，剪呢个头显得个人有点唔够精神，可能All Back 头会更加适合佢。
吴亦凡
其实吴亦凡（Kris）早于2016年已经剪过呢个头，其实都OK嘅，因为佢五官都标致，不过同Edison一样，佢都系太瘦，所以略嫌争啲，但佢都系剪过一次，好快就留返长。
Hit爆Lobob头唔兴内卷 2018当季最新发型阿Sa胡定欣都跟