廖启智为新戏做“瞓地草根”旺角小贩：我细个成日去海边摸蚬

《再见．女人街》今日进行开镜拜神仪式，刘心悠、吴卓羲、廖启智等人都一同亮相旺角街头。廖启智（智叔）在戏中饰演一名卖衣服的小贩，与一个姪子关系很是密切。“我都系一啲为口奔驰，同个姪相依为命。（贴地嘅角色？）直头瞓地吖，衰到瞓地。（草根阶层？）根入面最底层𠮶啲。”

说起旺角这个地方，对智叔来说实在是充满回忆。智叔：“我系旺角出世㗎，旺角对我嚟讲系心入面嘅情怀。因为我幼稚园就喺亚皆老街，细个就已经沿住亚皆老街行。50年代旺角都系一个旺嘅地方，当然冇宜家咁多人啦。”

可能大家对于50年代旺角没甚么印象，但智叔仍然清楚记得那时候周遭的环境，无论是书店抑或是当时旺角的海边。“细个𠮶时，塘尾道广东道已经系海边，细路仔玩嘅，都系𠮶啲啦，摸下虾吖、摸下蚬。我以前读书嘅时候去买旧书就系去奶路臣街，不过依家冇咁兴啦。以前我哋读书一定去奶路臣街执旧书，但系一次系执唔晒㗎㖞，有啲断版㗎嘛，起码行2，3次先执得晒一个学期嘅书。”