刘心悠对旺角商场四楼买碟一头雾水　吴卓羲：佢应该唔知咩嚟

吴卓羲13年的“警察”经验，相信在业界中也算数一数二，上至O记、重案组，下至警察学堂毕业，大家可谓是“睇住大”。不过最近吴卓羲却反行其道，自甘堕落成为一名旺角麻雀馆的驻场“古惑仔”，实在令人唏嘘。吴卓羲接受《香港01》访问时说：“冇黑社会，又边有警察做呢。”

吴卓羲续说：“细个时候志愿同大个职业啱啱相反，当然我系暗恋佢（刘心悠）。”说的是吴卓羲在旺角街头遇上了自己儿时的“女神”刘心悠，而刘心悠也与自己的OL梦相反，变成了一个女搬运工人。“大家都要为生活，所以我哋喺女人街撞到嘅时候，心态都唔同咗啦。”

吴卓羲谈起儿时回忆，原来旺角带给他很多美好片段。“细个成日嚟旺角，因为卖啲嘢比较平啲，细个又会觉得旺角啲嘢比较时尚，所以都会去睇下。（四楼𠮶啲？）商场四楼𠮶啲我有去嘅，但系我就只系去买游戏机碟，正版嘅。”这时候刘心悠正用疑惑又深情的眼神看著他。吴卓羲：“佢应该唔知咩嚟。”

吴卓羲对心悠解释说：“其实旺角有个好地道嘅地方叫‘好乜商场’，佢入面就专门卖影碟，同时都有游戏机碟卖，以前就有啲日剧韩剧碟，入面都有啲色情光碟卖嘅。商场入面，通常有个人喺电梯度嗌“四楼有边个”咁嘅。我有好多国内或者外国朋友嚟到香港都必须要去呢个地方，因为佢哋想体验下香港嘅文化，不过而家好似冇晒。”刘心悠问：“可唔可以讲价㗎？”吴卓羲：“可以嘅，不过100蚊3只你都唔讲啦。”吴卓羲在“儿时暗恋对象”刘心悠坚称“冇帮衬过”色情光碟店，真系一个“警察”好榜样。