【逆流大叔】胡定欣洗甩“电视味”多谢一个人：因为镇宇哥喺度！

2018年可算是胡定欣丰收的一年，兼且涉猎甚广，继《宫心计2深宫计》外，更有剧集的主题曲《无悔无愧》、同时也有她首度尝试舞台剧的《偶然．徐志摩》、当然不少得是吴镇宇与她合作的《逆流大叔》，全部兼获一致好评。今年可算是胡定欣，歌影视舞的一年。

到底这4样范畴之中，胡定欣最爱的是甚么？胡定欣接受《香港01》访问时回答：“我从来都觉得，我想多元化发展，因为当我试过电影同舞台剧之后，我嘅得著系互相影响。当我拍返剧嘅时候，我谂嘅嘢可能有所唔同，又或者将拍剧嘅谂法带返去舞台或者电影，其实系一个正面嘅影响。（4样嘢入面拣一样呢。）冇得拣一样，哈哈哈。”

有不少人看毕电影《逆流大叔》后，均称赞胡定欣“洗甩咗阵电视味”，胡定欣就表示要归功於戏中的对手吴镇宇。“我拍嘅戏份喺三日入面完成，（其实）我冇刻意做过啲乜，都系顺住自己感觉去，我谂可能有镇宇哥喺度挂，佢对我影响都几大。我喺电影圈都系一个新人，我都系将我拍剧经验带到去一个新环境，所以我都好希望呢一步之后，有第二步第三步。”

谈到电影界前辈镇宇哥，胡定欣就说：“虽然识咗十几年，其实都只系合作过2次。我记得佢喺一个访问入面讲过，话最起码我唔惊佢先。佢（吴镇宇）话我（胡定欣）有啲咩都见过晒，佢有咩脾气我都清楚，已经减少咗个隔膜。（已经同吴镇宇同个Level？）唔可以咁讲嘅，我好多谢佢一路都留意我演出，同埋镇宇哥揾我拍戏，对我嚟讲已经系一个肯定。”

2018年先后有多位艺人离巢发展，两届视后的胡定欣有否打算出外寻找更多机会？胡定欣：“现阶段我冇谂呢样嘢。你都见到我有拍舞台剧或者电影，总之有适合嘅演出机会我都会尝试。无论边一个制作单位，边一个地方，我相信公司都唔会限死我。毕竟我唔系一个新人，我喺呢间公司已经做咗16年，有适合而我又想做嘅嘢，我都会尝试。（最想同边个合作？）其实好多㖞，张家辉，我系好想同佢合作，其实青云、古仔，同埋镇宇哥都好想继续合作。”