【逆流大叔】入围纽约亚洲电影节　胡子彤：导演好叻写Gag！

《逆流大叔》主演除咗吴镇宇之外，黄德斌及胡子彤都系主演之一，今次拍摄主要在室外环境，对于佢哋嚟讲会唔会都好辛苦呢？徳斌就表示唔算，但作为大叔都会有一定嘅腰酸背痛，身旁嘅子彤就回应佢︰“后生仔都有腰酸背痛时。”《逆流大叔》入围纽约亚洲电影节，对一众演员嚟讲都系一件十分兴奋嘅事情，子彤除咗开心之外都偷听到导演同监制嘅对话，“听佢哋讲，外国有好多观众都好钟意呢部电影，特别系导演好叻写Gag，外国人钟意我哋好开心，但都希望香港观众都会人场支持我哋。”

呢部系励志电影，讲述点样逆流而上，问到二人当中人生遇到逆境时候会点处理？徳斌︰“其实任何时候都会有机会遇上逆境，可能运动员做运动𠮶一日状态唔好已经系逆境。”子彤旁边回应到都觉得每一日都会系逆境︰“起身返工可能都已经逆境嚟，遇到好多难题点样由逆境创造顺境出嚟，我觉得要带到呢个讯息出嚟先最重要。”