【早霸王】男听众突破9年Friend zone：我会将最好嘅都俾晒你

Friend-zone似乎成了新世代去形容“朋友以上，恋人未满”嘅暧昧的状态，而呢个Friend-zone，今日亦出现喺《早霸王》嘅“你知唔知道有人挂住你”环节，男听众Peter九年前于夜校认识了Lucy，二人一直有保持联络，行街睇戏食饭甚至表白都做齐晒，可惜未能成为拖友。呢日谂住藉《早霸王》再表白，之不过，当森美问到点解会认为系时候成熟时，Peter似乎都唔系好知，只系话“单独出街机会多咗，又会讲吓屋企嘢。”听到呢度，森美同小仪都认为朋友之间一样会讲屋企嘢，而更甚的是Peter从未同对方谈及感情问题(例如钟意边类型男仔)，Peter解释因为大家都系内敛嘅人，所以较少提到爱情问题，作为主持的森美，话晒都听过唔爱情问题，而佢当下的结论就系：“担心佢放咗你入Friend-zone”

Peter虽然未有因Friend-zone呢个字而打退堂鼓，但就补一句“佢生日嘛，如果（表白）唔得咪讲声生日快乐啰。”Peter透露每次同Lucy出街都会送佢返屋企，既然都愿意比送返屋企，咁跟住呢？！“坐一阵就走架啦”森美同小仪听到呢个答案真系失望到晕，森美更即时献计，叫Peter下次坐吓对方张床，又或者索性表明自己想留底过夜……

电话接通之后，当Lucy听到森美话有人想同你表白后，佢就只系意味深长咁“哦”咗一声，但问身边有无追求者，又或者有无朋友系得得哋时，Lucy都一而再咁话“无㖞”，正当大家都以为呢个Friend-zone无突破时，Peter就勇敢踏出第一步。“我想同你表白，同埋想为你平反，去年你送咗份好特别嘅生日礼物俾我，搞到全世界都话你系失败者，但我想话你唔系。你未必系世上最幸福嘅女人，但我会将最好嘅都俾晒你。”听完表白之后，双方都静晒，森美轻轻推一把，问Lucy有咩回应，电话一方，有把好甜嘅声，讲咗句“I Love You”。