岑杏贤想做网上心理辅导师 解答网友心理疑难
撰文： 黄欣华
出版：更新：
岑杏贤（Jennifer）现身为明珠台全新侦探美剧《直觉追凶》宣传。在台上，Jennifer就自认直觉好准：“以前我喺英国读书嘅时候，成日都要靠第六灵感拣日子book机票返嚟香港，好多时都好好彩，返到香港𠮶边就会发生一啲事情，一次就系伦敦地铁爆炸，一次就系大风雪，所以我都好感恩。”
但对于在爱情上嘅直觉，Jennifer就笑言:“我好多时都想相信自己嘅直觉嘅，但最紧要凭感觉，感觉良好同舒服系要重要。但始终感情唔系可以样样靠直觉，如果唔系就变咗好似查案，咁会好辛苦。”
现时系职道生涯规划辅导协会任心理辅导师嘅Jennifer就透露最近想更专注有关心理方面工作嘅发展，佢话:“big big channel《心理急救室》第二季最近就完咗，但依然有好多人会将问题发到我嘅e-mail，所以我想筹备网上服务，但系好初步嘅想法，希望有多啲时间同得出出面嘅人多啲信任先。”