【袁伟豪恋情】张宝儿岑杏贤首度同场　呢个安排真系好公关

张宝儿（Bowie）近期跟袁伟豪打得火热，又被人影到去日本，又跟埋返屋企，真系好多新闻！今日Bowie出席一个活动，竟然系同袁伟豪的前度岑杏贤一齐出现，真系唔知TVB有心定无意。不过两个人同场都好自然，未见有互相黑面的情况出现，反而大家仲笑笑口，不过真与假就唔知喇。

《香港01》记者找来两位当事人做访问，Bowie就话：“今日心情愉快嘅，其实我哋真系无乜尴尬，反而可能身边嘅人会多啲。其实拍拖两个人嘅事，可以自己解决嘅。（中秋同袁伟豪过？）中秋节我同屋企人食饭呀，袁伟豪去咗布拉格拍《再创世纪》，我哋之前已经食咗团年饭架喇，屋企人都见过。我屋企人都几欣赏佢，觉得佢系一个好有承担嘅人，因为食过饭倾过偈，亦都觉得佢系有前途，同埋系一个有作为嘅青年。”看来屋企人已经开晒绿灯，进度唔错㖞。

下面几张图可以睇清楚岑杏贤嘅心路历程。

当然，要问埋另一位当事人岑杏贤喇，大家都想知究竟系咪真系无尴尬，她说：“其实唔会尴尬呀，我同Bowie始终都系同事，虽然无私底下出饭，但之前影TVB月历见过，罗天宇生日又见过，我哋都会互相睇大家Instagram story，（见到佢哋合照会唔会唔舒服？）紧系唔会喇，人哋有新恋情，我见到佢哋拍拖，揾到钟意嘅人都好开心，一定会祝福佢哋，最紧要佢两个开心，。反而外面嘅人会戥我哋尴尬，但其实我哋自己无事，亦唔觉得呢个安排奇怪嘅。我哋事先一早知道会同场架喇，紧系觉得无嘢先会今日喺度出现喇，如果有客户钟意我哋绝对唔介意继续架。”一个大方，一个得体，最得益一定系袁伟豪。