【返归啦俄仔】Ansheles曾为女神变小毒毒　初恋女友靓样完胜天仙

俄仔Ansheles在ViuTV节目《返归啦俄仔》中带住观众同三位女嘉宾游览祖国俄罗斯，不过他在第6集中却劲有私心地趁有空档时间，与初恋女友Diana见面。与女神一别13年的他在节目中显然极度紧张，衬最好的衫之余又买定靓花，又直言心仔卜卜跳。摄制队问俄仔“女神有否拍拖”时，俄仔即显得好尴尬：“系呀，可唔可以问呢啲问题。如果而家问佢‘你有冇拍拖’，你觉得个场面有几咁尴尬，可唔可以唔好讲呢啲。（怕丑？）梗系怕丑啦！”

【专访‧有片】俄仔Ansheles返归全裸焗桑拿：动作太大要打格仔！

节目尾段，俄仔送别女神前，女神便向观众爆一个俄仔的小秘密，原来俄仔小时候是一名变态痴汉：“你细个成日要引我哋女仔留意，之后揾啲青蛙吓我哋！有次我生日，你不停话要我锡你，但我唔肯，之后你为咗逼我锡你，你攞住把刀追住我呀！你攞住把刀，围住间餐厅追咗我好耐！”听到俄仔面都红晒。摄制影叫俄仔吻别女神，俄仔好搞笑咁拒绝：“痴线！”只敢向对方送爱的抱抱。

其实好难怪俄仔变成小毒毒，因为Diana靓得非常夸张，金发眼大鼻高高似足洋娃娃，比起其他荷里活女演员绝不输蚀，甚至可以话靓过好多明星。如果觉得电视画面不够清楚，各位可以到Diana的Instagram观看她的其他靓相，即使养眼性感相欠奉，但已经极度赏心悦目。不过，各位睇照片时请自动在脑内安装过滤程式，因为Diana与现任男友有大量合照，经常放闪晒恩爱，令一班单身狗叫苦连天。

点击下图睇Diana靓相（注意：内含与男友合照）：