【专访‧有片】俄仔Ansheles返归全裸焗桑拿：动作太大要打格仔！

讲得一口流利广东话的“俄仔”Ansheles，早前联同三位fans回到俄罗斯同妈咪见面，一尽地主之谊。他们分别去到莫斯科、索契（Sochi）和喀山（Kazan），同大家介绍三地的旅游文化。

虽然今年的世界杯在俄罗斯举办，但“俄仔”坦言，其实俄罗斯人并不是好热衷踢波，他们擅长的是和冰相关的运动。讲到今次的拍摄体验，俄仔透露自己尝试了好多平时不会做的事：“例如Bungee Jumping，因为本身我好畏高，一有相机，我咩都唔怕喇，喺索契Bungee jumping，索契有一个全世界最长嘅Bridge，有好多唔同嘅嘢玩，Swing，睇咗啲俄罗斯传统嘅服饰。”这是不是传说中的偶像包袱呢？

再见初恋劲尴尬　母校为俄仔骄傲

今次节目还去到“俄仔”的学校拍摄，其中一个特别之处，要数和初恋多年之后的再次见面，不过两人一直都无联络，所以“俄仔”都觉得好尴尬。其实这位初恋一直都有关注俄仔的动态，令“俄仔”吃惊的是，原来整个学校都知道“俄仔”在香港的事业，为他感到骄傲。

幕前焗桑拿除埋底裤　俄仔笑言要打格仔

俄仔今次在节目中还会“牺牲色相”，事关他们去Russian sauna，尽管有毛巾“傍身”，不过俄仔就大爆自己时常不记得有相机：“本身畀咗一条毛巾我啦，但冇同我讲使唔使除底裤，但系我照除啦，因为系桑拿呀嘛，我唔记得其他人要拍，有时动作会比较大啦，所以我觉得好多佢哋都会打格仔喺度，因为有阵时会见到一啲唔应该见到嘅嘢。”听了俄仔这番说话，相信大家会自动“屏蔽”格仔喇。

俄仔不爱俄菜　薯仔馅饺子食完便秘

其实“俄仔”已经成十年没有返去过，在俄罗斯几乎没朋友，隔了这么多年，“俄仔”都表示自己会怀念家乡的天气和甜品：“有一种入面系cheese，出面有啲朱古力皮啦，当作系甜品，挂住呢啲食物，因为喺香港食唔到。”

拍摄期间，日日都要吃俄罗斯菜，“俄仔”就大呼自己和crew都好不习惯：“俄罗斯人又唔食饭，但系我哋喺香港呢一定要食面或者饭先得嘛，我而家已经变咗一个香港人，唔食饭我唔会满意，跟住食好多淀粉质，好似饺子，我哋平时嘅饺子会有肉或者菜，佢哋系饺子入面有薯仔，用淀粉质包住淀粉质，食完之后饱到想呕。”俄仔笑言因此导致有些工作人员无法去厕所，认真辛苦。

虽然适应不了当地的食物，但俄仔就好喜欢俄罗斯的天气，声称就算零下20度，感觉不到手手脚脚，只要keep住喜欢冬天的意念，就会好enjoy。不过香港这般热辣辣，所以俄仔直言好辛苦：“成日都会出汗，屁屁会出好多汗，著好薄嘅裤就会见到出汗。”如果遇到酷热天气警告，俄仔就说自己不会出街，就算出去都会好快去一个有冷气的地方，相当怕热。

想知道更多有关俄仔的趣事，不如click入片睇下。