【开心速递】林淑敏大谈养生心得：感恩老公嘅支持
撰文： 赖家杰
出版：更新：
《开心速递》大小姐一角而令到佢人气急升嘅林淑敏今日出席健康品牌活动，最近Mandy频频出席品牌活动，都想知道系咪都赚到好多外快，Mandy回应：“都唔系嘅，同呢个品牌其实都合作好耐，所以今日一定要嚟支持下。”
谈及保养方面，唔知道大家会唔会留意到其实Mandy佢都将自己保养得好好呢？Mandy笑住咁讲：“冇人留意我Keep得好好，咁其实系咪我Keep得唔好呀，哈哈。”观众当然唔会咁谂啦，问到可唔可分享下保养心得，Mandy答到：“其实自己好多野唔会食，例如甜品啦，自己都戒左7年糖，自己糖份摄取尽量都系饭及水果，好多精致甜品或加工食品自己都唔食，差好远㗎啦，咁样就可以令到身体更好。”，听完Mandy保养身体嘅方法大家都可以参考一下。
至于Mandy咁注重饮食健康当然身边有一个好重要嘅人支持佢，𠮶个就系佢老公，Mandy透露到：“我老公佢好好，我唔食牛肉佢又陪我一齐唔食，到宜家我唔食甜品佢都慢慢开始陪我一齐唔食。”，讲到Mandy老公咁Sweet对佢，Mandy都好开心讲到：“好Sweet㗎，佢对我好好㗎，不过佢都唔系一个口甜舌滑嘅人嚟，佢系行动型嚟，有时候见我攰会煮面俾我食，有时候我频频扑扑会又会车我番公司，我觉得咁样够㗎啦，以一个家人长远关系嚟讲。”