麦明诗内衣当衫著 自觉几过瘾：其实我都好收敛
撰文： 赖家杰
出版：更新：
麦明诗(Louisa)今日（26日）穿性感内衣出席内衣品牌活动，问到她会否尝试以内衣出街？Louisa表示：“呢个品牌理念系可以著出街，况且现在都热热地，咁样出去都会舒服，其实都唔怕尴尬，都系一件衫啫，著得舒服同靓就得啦。”内衣无加垫嘅Louisa表示，她选择的款式都能突显佢嘅身材，更觉得内衣当衫著嘅概念有时都几过瘾，她笑言：“其实我都好收敛，我选择嘅都比较多布，至于系咪身材好好？只可以讲我瘦啰，我比大家感觉我瘦啰，不过肥嘅位已经遮住咗。”
由Louisa主持的节目《后生仔倾吓偈》一直都有讨论两性话题，都深受大众欢迎，但要倾到两性问题当然要做足功课，Louisa透露：“系呀，呢方面要做好多功课，系要拎多少少人生经验，就算同其他男仔出街都系为咗呢个节目。”但Louisa呢个举动可能好容易令到男性误会，Louisa直言：“我讲到明而家好享受单身，咁大家好自为之，哈哈。”
最近Louisa被影到跟前度林作出街食饭，有传二人复合，Louisa澄清说：“其实只系误会，，好多人话啱啱分开大家要冷静下，咁现在大家都分开一段时间可以做番正常朋友咁几好。”
同场仲有姚子羚著内衣：