姚子羚习惯单身状态 公开择偶条件：钟情成熟型男性
撰文： 赖家杰
出版：更新：
姚子羚今日（26日）与麦明诗同场出席内衣品牌活动，子羚接受访问时自称好耐冇见，因为她近两个月都喺横店拍摄新剧《包青天》，工作完又要飞番横店继续拍摄，认真辛苦！
为咗《包青天》子羚更要去到新疆拍摄，当地天气热温差又大，对皮肤好大影响，子羚话：“已经有心理准备，但听讲新疆嘅星星好靓，所以都好期待同胡定欣一齐睇星星，同埋好少机会去沙漠，所以准备咗相机叫胡定欣帮我影靓相。”
回复单身的子羚系咪已经习惯呢？子羚：“都ok嘅，始终同佢都系和平分手，同埋大家一直保持友好关系，有保持联络，我有啲事要佢帮我处理，都有需要佢帮忙嘅时候，所以我地大家关系都ok嘅。”子羚仲话：“自己不嬲钟意成熟型嘅男性，但暂时未有人接近我，因为我喺横店开工，日日对住嘅男人系曹永廉、张振朗同张国强，仲有胡定欣啰，所以都冇时间谂呢样野。”